Actualitats
L’ALE encoratja lo govèrn còrs a obténer mai de competéncias per contunhar de “faiçonar la nacion”
Lo partit europèu exprimís son sosten als procèsses “d’autodeterminacion en Escòcia, Catalonha e Bascoat” e reclama una “Euròpa fòrta, mas una autra Euròpa”
L’Aliança Liura Europèa (ALE) clavèt dissabte 2 d’abril son assemblada generala a Aiacciu, aculhida pel Partit de la Nacion Còrsa, e encoratgèt lo govèrn de Corsega a obténer mai de competéncias per l’illa en una negociacion amb lo govèrn francés. Lo partit europèu espèra que lo procès se concluga amb una nòva situacion e que “lo pòble còrs prenga mai de responsabilitats dins sas pròprias mans per tal de contunhar de faiçonar la nacion e l’estat còrses”.
Lo president de l’ALE, los còrs François Alfonsi, diguèt qu’a París li caldriá comprene que Corsega “vòl èsser respectada enfin coma nacion diferenta, amb sa lenga pròpria”, e reclamèt al govèrn francés un “dialòg substancial”.
Corsega serà governada a partir de 2017 per un nòu organisme que fusionarà l’actuala Collectivitat Territoriala de Corsega (CTC) amb los dos departaments còrses incluses dedins. Lo govèrn còrs, una coalicion de partits autonomistas e independentistas, vòl que dins la transicion cap al nòu modèl, París accèpte de transferir de nòvas competéncias a l’illa.
D’un autre costat, l’ALE exprimiguèt son sosten als procèsses en marcha —o eventuals— “d’autodeterminacion en Escòcia, Catalonha e Bascoat” e aprovèt divèrsas mocions de sosten a Palestina, al Sahara Occidental e a Curdistan.
L’ALE amassa un cinquantenat de partits politics europèus autonomistas, federalistas e independentistas de nacions sens estat, de regions e de minoritats. A dotze eurodeputats.
Una defensa critica del projècte europèu
Dins un comunicat recapitulatiu a la fin de l’Assemblada Generala, l’ALE considèra que la crisi dels refugiats, lo referendum sus la sortida del Reialme Unit o l’aument dels “sentiments antieuropèus” son una mòstra de la “malparada politica, umanitària e sociala de l’UE”.
Dins aquel contèxt, l’ALE soslinha que los “estats membres recupèran de poder” del temps que “butan lo debat cap a l’evaporacion de la quita Union Europèa”. Davant aquela tendéncia, lo partit afirma que cal refortir los dreches de las nacions e de las regions per que dispausen de lor pròpri futur e per bastir “una Euròpa fòrta, mas una autra Euròpa”.
Dos membres nòus
L’ALE es a mand d’arribar al cinquantenat de membres après aver acceptat dos partits nòus dins sos rengs. Coma nòu membre observaire i figura Kaszëbsko Jednota, un partit que reclama “lo drech a l’autonomia culturala e a l’identitat de la nacion cashoba” dins Polonha. E coma nòu membre associat an acceptada la Liga dels Socialdemocratas de Voivodina (Serbia).
Dos autres partits fins ara observaires (Yorkshire First e lo Partit Popular Ongrés de Transilvània) son estats admeses coma membres de plen drech.
Aquesta nòva es adaptada de Nationalia amb qui Jornalet a un acòrdi de cooperacion.
Dins l’eveniment raportat, Dàvid Grosclaude foguèt elegit vicepresident de l’ALE.
Lo president de l’ALE, los còrs François Alfonsi, diguèt qu’a París li caldriá comprene que Corsega “vòl èsser respectada enfin coma nacion diferenta, amb sa lenga pròpria”, e reclamèt al govèrn francés un “dialòg substancial”.
Corsega serà governada a partir de 2017 per un nòu organisme que fusionarà l’actuala Collectivitat Territoriala de Corsega (CTC) amb los dos departaments còrses incluses dedins. Lo govèrn còrs, una coalicion de partits autonomistas e independentistas, vòl que dins la transicion cap al nòu modèl, París accèpte de transferir de nòvas competéncias a l’illa.
D’un autre costat, l’ALE exprimiguèt son sosten als procèsses en marcha —o eventuals— “d’autodeterminacion en Escòcia, Catalonha e Bascoat” e aprovèt divèrsas mocions de sosten a Palestina, al Sahara Occidental e a Curdistan.
L’ALE amassa un cinquantenat de partits politics europèus autonomistas, federalistas e independentistas de nacions sens estat, de regions e de minoritats. A dotze eurodeputats.
Una defensa critica del projècte europèu
Dins un comunicat recapitulatiu a la fin de l’Assemblada Generala, l’ALE considèra que la crisi dels refugiats, lo referendum sus la sortida del Reialme Unit o l’aument dels “sentiments antieuropèus” son una mòstra de la “malparada politica, umanitària e sociala de l’UE”.
Dins aquel contèxt, l’ALE soslinha que los “estats membres recupèran de poder” del temps que “butan lo debat cap a l’evaporacion de la quita Union Europèa”. Davant aquela tendéncia, lo partit afirma que cal refortir los dreches de las nacions e de las regions per que dispausen de lor pròpri futur e per bastir “una Euròpa fòrta, mas una autra Euròpa”.
Dos membres nòus
L’ALE es a mand d’arribar al cinquantenat de membres après aver acceptat dos partits nòus dins sos rengs. Coma nòu membre observaire i figura Kaszëbsko Jednota, un partit que reclama “lo drech a l’autonomia culturala e a l’identitat de la nacion cashoba” dins Polonha. E coma nòu membre associat an acceptada la Liga dels Socialdemocratas de Voivodina (Serbia).
Dos autres partits fins ara observaires (Yorkshire First e lo Partit Popular Ongrés de Transilvània) son estats admeses coma membres de plen drech.
Aquesta nòva es adaptada de Nationalia amb qui Jornalet a un acòrdi de cooperacion.
Dins l’eveniment raportat, Dàvid Grosclaude foguèt elegit vicepresident de l’ALE.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ernest has tota la rason.,mas hem de seguir lutant amb la serenor e la força sense desesperar.
L’ALE encoratja lo govèrn còrs a obténer mai de competéncias per contunhar de “faiçonar la nacion” ? Espèri tanben que l'ALE descoratja lo govèrn francés d'empachar lo govèrn còrs d'obténer mai de competéncia dins l'esper s'escafar fins al genocidi cultural la lor nacion. Aquel partit europèu exprimís son sosten als procèsses “d’autodeterminacion en Escòcia, Catalonha e Bascoat” e reclama una “Euròpa fòrta, mas una autra Euròpa” ? Quina Euròpa. N'i a sonque una possibla, una Euròpa de fem, de mai en mai ultraliberala, qu'esclafa los mai febles per afortir mos mai fòrts, e qu'apaurassís los mai nombroses per n'enricassir un ponherat tostemps mai poderós. La democracia ateniana es mòrta, e l'avèm cambiada per una tirania dels 27… Una Euròpa autra seriá una euròpa sens tractat de Roma, ni de Maastricht, ni de Lisbona, bastida sus quicòm que semblariá un pauc l'objectiu collectiu e scoial de l'ancian e plan perdut Conselh Nacional de la Resisténcia… La veson venir, a l'ALE, aquesta Euròpa ? A d'uèlhs bons. Ieu, vesi pas venir que de fem, sempre mai pudent, inegaliari, individualista, pollutiu e liberalàs. Benlèu me caldriá cambiar las vesiclas…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari